بیات لار

بـیات لار

بیات لار ترکمن لارینگ اینگ قدیمی طایفه لاریندان بولوپ،اولارترکیه ، ایران وافغانستان ده یاشایار لار. بول طایفه نینگ افغانستانینگ دمیر غزیق ولایت لارینده یاشایان وکیل لری اوزلری نینگ دیلینی ، داپ دستور لرینی وبویله کی ملی آیراتین لیق لارینی بیزینگ گون لر میزه چنلی ساقلاپ گلیپ دیرلر.

امایوردینگ گون اورته منطقه لرینده وغزنه (اورزگان ولایت لاری ) یاشایان بیات لار فارس دیلینده گورله یارلار. تاریخینگ دوامینده بول طایفانینگ وکیل لرنینگ بیرناچه سی مشهور لیغه اییه بولوپ دیرلار، 16 نجی عصرده جعفرخان بیات ایرانینگ نیشاپور شهرینده حکمرانلیق سوروپ دیر.

نادرشاه یوغالاندان سونگ شو طایفانینگ وکیل لریندن احمد خان بیات بیرناچه ییل لاپ خراسان ولایتنده حاکم لیک ادیپ دیر. افغانستانینگ تاریخچی عالمی غلام محمد غبارینگ بلله لیشنه گورا، 1570 نجی ییلده غزنه ده یاشان بیات لار، نیشاپورشهری نینگ حاکم لیگینی الیندن گیدیرن عباسقلی بیاتی غزنه چاغریب دیر واهلی تیره سی بیلن بویره گوچیریپ گتیریپ دیر لار.

احمدخان ابدالی نینگ اوغلی تیمور شاه نینگ زمانینده بیات لارینگ ینه بیرمشهور شخصیتی محمد خان بیات نگ باش توتانلیغینداقی 12 مونگ لیک بیات لارینگ قشونی تیمور شاه نینگ گاردینده غوللوق ادیپ دیر.

سلجوق لار

سلجوق لار

معلوم بولیشی یالی ، سلجوق ترکمن لری 11 نجی عصرینگ باش لارینده اورته آسیانینگ تاریخینده تأثیرلی رول اویناپ ، بیوک سلجوق امپراتور لیغینی غور ماق لیغی باشاریپ دیرلار.

 سلجوق تیره – طایفه لاری بیر ناچه یوز ییل لیق لارینگ دوامینده اورته آسیا یورت لرینده ایران ده، عراق ، ترکیه ، سوریه ، ویقین گون دوغار ده از باشداق دولت لری دوره دیپ دیرلر، حتی اولارینگ آغه لیغی قفقازه چه باریپ یتیپ دیر.

افغانستانینگ دیمرغازیق ولایت لارینده یاشایون سلجوق تیره سی اوزلری نینگ انه دیلینی وملی آیراتین لیق لارینی حاضرکی گون لره چنلی سقلاپ گلیپ دیرلر.اما اولارینگ تیره سی نینگ سلجوق آدی ( سلتوق ) آدینه اوریلیپ دیر.

سلجوق لارینگ افغانستانینگ هرات ولایتنده یاشایان وکیل لرنینگ فارس دیللی ملت لر بیلن یاناشیق اوتیرماغی ، اولارینگ انه دیلی نینگ ییتما گینه سباب بولوپ دیر. شویله ده بولسه ، اولار اوز لرنینگ سلجوق ترکمن لریندن دیگینه بویسانیور لار وآت لاری نینگ ایزینه ( سلجوق ) لقبینی غوشیار لار.